Tambula in atay mu ha Dunya ha kabuhi’mu

Kahaupuan sin Suhbah hi Maulana Shaykh Nazim

10th October 2010

Tambula in atay mu ha Dunya ha kabuhi’mu

A’uzubillah himinsh shaitan nirrajeem

Bismillahir Rahman-nir Raheem

Assalamu’alaikum wrh wbkt

• Hi Maulana Tiyayma’ in manga nakasa’bu iyasubu niya maunu unu na in manga pag usaha nila. Namayta’ siya in Sen Katas biya’ miyanaw simulang ha Shariat sin Allah, hangkan in manag sila iban manga hula’ nangangandul ha ini, mahulug malu’nud maglalawum ha kasigpitan. Panghindu’ patumtum biya’diin in ka slamat sin kasigpitan sin economics kiyaguwa’ hangpu’ taglima jaman na in limabay biyayta’ sin Rasulullah (saw) – pausalun bulawan, pilak iban copper para ha sen- bukun sen (katas), in kasabunnalan, wayruun halga’. Ha waktu kitaniyu umusal na sin basi’ para Sen, ha lawum sin ka’patan adlaw in kasigpitan ini malawa’. Hangkan, wayruun makasalamat, bang in Sen Katas iyuusal da ha pag sambi’ sambi’.

• Hi Maulana imasubu sin pangasubu yadtu (pasal sin manga pagusaha namu’) jimajatu, biya’ sin adlaw ahad yan, hangkan wayruun naghihinang in kabunnalan. Mabaya’ hipakita’ hi Maulana, biya’diin mu bahgiun in waktu mu para ha dunya, maghinang unum-adlaw ha lawum hangka pitu, ubus hibutang in ahad ha paghalihali. Para ha manga kahalan sin dunya mu, mataud nausal mu panali’ iban pamikil. Sumagawa himihinang da isab kita sibu’ para ha adlaw ahirat, sumunud kabuhi natu’, amun salama lama kakuyagan? Biyabahagi natu’ da in waktu natu lamud in pag hinang para makasuuk pa Allah? Wayruun. Nakatutuk kitaniyu ha dunya; in ahirat biya’ sarang sadja pagubus-manali’. Amu in pangitaan sin manga kababbalan iban hambuuk way halga..

• Ha Adlaw pagHukum, in hinang natu mahinang kakitaan sin katan, In manga malaikat imiyan ha manga sila nabuta, “Ha waktu niyu ha dunya, biyabahagi’ niyu in waktu niyu ha hinang niyu, para ha sen mahinang dayahan! Ha kawhaan tag-upat kajam dihil kaymu sin Tuhan adlaw adlaw, timali’ sadja kaw sin untung ha dunya! Way kaw nakatali’ ha untung ha adlaw gana gana, amu in datungan mu hinapusan amu in didtu na kaw salama lama? Ha manga waktu nakausaha kaw sen, makuyag kaw landu’, in adlaw yan, ha waktu pag atud mu pa ginhawa mu, kakitaan mu wayruun na untung mu para ha ahirat, in tindug mu limuluman!”

• Makuyag kaw tuud ha mag kauntung mu maniyu’ tiyu’ di ha dunya, piyapasaran mu in way sabanding taud untungha ahirat? Wayruun halga yadtu, ya kamu manga Manusiya sin waktu ini! Di’ niyu ka kaingatan in piyagbiddaan sin hangkarayi iban salama lama kabuhi? Manjari kaw mawafat misan in kunsum, hangan mayta’ kaw naghihinang nakalandu’ ti’but para ha hangkarayi kabuhi, mayta’ mu piyasaran na in salama lama kabuhi’ mu? “Nahihilu kaw?/nakainum kaw?” Nangasubu hi Maulana. In katan sin ha dunya ini tiyu’ tiyu’ da – manga kakuyagan, untung, paglami lami, huhulmatan iban kabuhi – in katan tiyu’ tiyu’ da awun tubtuban, tumubtub ha kamatay. Misan pa kaw magpaka untung ha dunya, diyaug da kaw/lugi’ da kaw, ha salugay mu di kumawa lumawag sin kasabunnalan untung ha adlaw ahirat. Ya kamu manga maingat/tagapanghati oatumtuma niyu in manga manusiya ha pagtipun sin bukun tattap untung – pahatiha niyu sin piyagbiddaan sin sin panglabay labay iban sin salama lama kabuhi! Patampala niyu pa jamaa unu in maksud sin kapapanjari! Kublita in manga ha raig mu magtuy patumtuma, unu hangkan mayta’ sila pia awn sin Tuhan.

• Subay natu’ usalun in makajari na mayan usalun, para manaabbiti ha manga manusiya humati sin kasabunnalan sin Pag pa awun. Subay natu’ usalun in katan magpasampay hikapasampay ha katan limalangkap bihayau. Pasaplagun in AMANAT. In manusiya nag usual paglami lami pagpasampay (media) (movies. pornography, social free-mixing, music) – para sadja ha katan lummi sin pagkamanusiya sin manga tau.

• In manusiya bihayaun piya una nila in pagkamanusiya nila napsu nila daying ha manga Pardaakan sin Tuhan. Mataud manga Muslim nagpinda hulaan pa mang sadlupan ha supaya hipasampay in ka Islam. Kasabunnalan niya, yadtu sila ha sadlupan ha supaya mahinang nila in kabayaan nila wayruun maglang kanila, masub sila sin manga malummi dan sin kabuhianan masanyang sila sin kabuhianan sin manga satru’. Pakita’ kita’ nila in hangkan sila dimidtu pasalan sin pag pasaplag sin agama. Kiya ingatan da tuud katan sin Tuhan Allah in katan sin niyat nila. “Makajari in manusiya’ magtapuk ha pagkahi niya manusiya, sumagawa di’ niya tuud katapukan in Tuhan Allah,” namaytah hi Maulana, “Kiyaingatan niya in manga nakatatapuk ha lawum pangatayan niyu.” Ha pikilan niyu kapa’gangan niyu in sub niyu in napsu niyu bang kamu ha kawman nakalandu’ in pagbaya’ niyu sin manga hinangun niyu?

• Mataud na tuud amu in makajari natu’ pasampayun in manga patumtum ini ha pagpikil sin ka Islam, ha manga Tau ha Sadlupan. Makajari niyu hipakita ha pamaybay niyu ha hula’ niyu, misan pa in ka-awnan niya kauhaan-tagupat ka jam hangka adlaw. “Atura aku,” bayta’ hi Maulana, “In aku di’ kakitaan ha Map, sumagawa tawagun ku in manga Manusiya’ daying ha Sadlupan, Subangan, Uttara’, Satan, harap pa Allah, hi pahati hibayta’ kanila unu in kasabunnalan nila.”

• Ayaw na mayan kaw mangayu’ na mayan dunya. Pagsakap na kaw sin ka mulliyahn mu ha kamatay! Matawag da kaw ‘hulaan’ misan unu waktu. Pag ubus yadtu, Duun na kaw itungun in katan sin manga dusa nagkahinang mu. Ukaba in pamikil mu, tayma-a in kasabunnalan ini! In manga pangitaan sin huling jaman yari na, kiyabayta’ hangpu’taglima jaman na in nakalabay. Biyaun kita muna, Mayta’ pa kaw di’ manghindu’ sin manga ha katilibut mu yan. In manga sila Tagapanghati subay sila missara, “in adlaw Qiyamat masuuk na, in manga pangitaan nag guwa’ na!” Pakitaan pa manga tau ha katilingkal dunya. Biyaun, amuna in pinaka malaggu pangitaan in nakapin ba’gu dumatung in Qiyamat..

• In ajab daying ha Allah makusug mapussuk, hangkan Ingata dumatung in manga pagsukut daying ha Aayan, amu in makasunug sin baran mu mabiya’ abu, iban na makatunaw sin baran mu mabiya’ bagunbun.

إِنَّ بَطۡشَ رَبِّكَ لَشَدِيدٌ

Kasabunnalan in Ajab daying ha Tuhan Landu’ makusug iban masakit. (Quran 85:12)

• Ha manga sila awun gaus mag pasampay sin amanat ini hipanghindu’, subay niya hinagun, ha supaya in amanat sumaplag magtuy pa katan. In Manusiya subay niya mahati in siya ha paglayag layagan, in katan paglunsullunsul/paglayaglayag awun dungguan niya. In kitaniyu duwa ra in dungguan/datungan; in hambuuk amun Jukup iban salamat, in hambuuk landu’ masakit iban pagsusun, ha amu in di’ na kaw tuud masalamat! In manga ka ustaran subay sila di’ na magsulat kakitab kitaban, in manusiya’ wayna waktu magbassa na mayan biyaun. Buat malaingkan Pamung kamu pa manga manusiya (hatiniya pag pawn kamu pagtipun tipun mag dihil hilalaungan Suhbahs) biya’ sin mangungubat Nyawa (spiritual), patampala niyu ha manga manusiya’ in manga hikakangi’ kanila, Dihilan kanila in manga panghati amu in makapasawa sin pangatayan nila, ha supaya in sakit nila kaulian kaubatan,. Ha waktu nakauna, bang in tren sumud na pa lawum lungag, baytaan na sin kunduktur hipapatambul na in manga tandawan, hasupaya bang in tren didtu na ha lawum katigidluman sin lungag, wayruun makabubuga’ hayup ha lawum sin kungag amu in, makasud pa tren amun makapasakit kanila. Biya’ da isab sapantun, way piyagbiddaan, subay kitaniyu mag patumtum ha mnusiya tambulun nila in tandawan sin pangatayan nila di ha dunya, buat malaingkat lawagun nila in salama lama kabuhi, hasupaya di sila abutan sin manga makasusa, di ha dunya, sampay pa adlaw ahirat.

Al-Fatiha

Sahawi

• Kamatauran Muslim nag panda hulaan, Mangaku in sila yaun naghindu’ sin agama ha sadlupan. Ha pag utung nila pa Islam bahasa, baran nila in imibug ha ha kabuhianan iban awn pagbaya’ misan unu mahinang ha sadlupan, mataud ha manga lamud ha ahli nila, nahinang na tau sadlupan nakalibut na daying ha Islam, nanawagtawag na hi Maulana, pabalikun na sila pa hula’ nila, amun ha katilibut yaun in Islam, makahindu’ na sila salamat hha hula’ nila, ha amun labay electronics pasampay makaabut misan pa kain ha waktu ini, in sila maka gaus magpasaplag sin panghindu’ ini subay nila hinangun, mari magpasampay pa unahan.

• In manga Muslim Piyahati subay sila mami bulawan, hitawu nila bilang altah. Mami asibi pilak iban bar, amun mausal ha pag pami iban pag dagang. Subay in sen katas malubu. In patumtum ini malugay na, ha biyaun namu’ sadja kiyapandangan biya’diin in sen katas limallay inut inut malawa’ ha katilingkal dunya.

• In kasabunnalan niya in manga manghihindu’ nagpasampay agama nalamin na imibug sila sin kabuianan sin manga satru’, instead in hinang nila paagarun in manga satru pa Islam, kitaa in kahinaan natu’ bhayaun, in kabaliktaran, in Sahaba limunsul malayu’ nagpagad milyun satru’ pa Islam. Sa’ad ibn Abi Waqastimulak pa hula’ lannang, ha ingat mag bissara lannangmataud nakaagad kaniya nahinang Islam – labi na kayman milyu n lannang Muslim biyaun ha hula’ nila. In Rasul (saw) nagsabda ha Hadees, in Muslim sin huling jaman malunuk na tuud, pasal sin lasa nila ha dunya, iban buga’ mapatay. Bunnal! Sadaqah Rasulullah (Bunnal tuud in bayta’ sin Rasulullah).

• “Lasa ha hula’ niya pangitaan sin Iman,,” sabda sin Nabi (saw), ha manga kamu nagpinda’ hula’, subay sila muwi’ na magbalik pa hula’ nila ha kugkuyag, bang sila awun iman. In Kasabunnalan Hula’ kakkal sin Manusiya’ amuna in sulga’. (Sayyidina Adam Piyaawn iban timagna’ sin paglayag layag niya dayididtu), Subay kitaniyu makuyag magbali madtu, in pag tagama harap madtu pa tudjuhun ta amuna in pangitaan sin Iman.

• In manusiya subay niya kahatihan marataw mahantap kaniya in hula’ bukun tattap iban sin hulaan tattap. Bang kitaniyu maghinang para ha kabuhi di sadja ha dunya, makarihil katuh bukun tatap, tiyu’ tiyu da untung amun bunnal tuud hikabin natu’ da,. Bang kita niyu maghinang para ha Adlaw Ahirat, makarihil katuh salama lama, way sabanding untung, amu in mara ta para magkita’ iban sin Tuhan ta, Matampal bunnal in pagpian masawa, ha manga sila nakatayma’ nakahati.

• In Tren nasabbut ha haulihan sin Suhbah, Amuna in manga Ummat sin Nabi Muhammad (saw). Bihayaun simud na pa laum tigidlum lungag sin kamangmangan, amu in dih masabanding taud kabubugaan, amu in miyamagad ha taykud sin itum lambung. In mang sila Ulama piyanawag tawagan na sila pasakatun pa train (magbalik pa Hulaan), hipabayta ha manga tau kamatauran in kabubugaan ha guwa’ sin tandawan sin Tren ha lawum lungag, hasupaya tambulun nila in tandawan sin tren, amuna in Fazkkir, nagpatumtum ha manusiya bang hisiyu in datungan mu, ha manga sila nagtambul sin tandawan nila, Ya kamu manga manusiya, tambula niyu in pangatayan niyu daing ha dunya, in dunya malummi, patay hayup, bang siya makasud pa pangatayan mu magda lummi iban sakit amu in duma kaymu pa narka’ jahannam. Bang mayan isab kitaniyu salamatun sin Allah daying ha kahinapusan mangi’. Ameen.

Bangkaw mabaya dumungug sin Suhbah hi Maulana Shaykh Nazim ha waktu ka record kaniya, andu’ dupuni ini. Bang kaw didtu na ha site, dupuni in Sohbat 10 Oct 2010.

Hi Maulana Shaykh Nazim maghindu’ adlaw adlaw, kadtu kaw pa www.Saltanat.org para humagdir sin makalanu’ pangatayan panghindu’, tibuuk tuud wayruun bayaran listahun. In manga Liyukis ini kabakan iban manga pangadjian kabakan ha Singapore Naqshbandi portal, recent.sufihub.com, in ini jukup da isab tibuuk way pagbayad.