Pagkasilasa kamu pa kaniya pakaniya iban pasaplaga niyu in Azan

Kahaupuan sin suhbah  hi Maulana Shaykh Nazim

5th October 2010

Pagkasilasa kamu pa kaniya pakaniya iban pasaplaga niyu in Azan

A’uzubillah himinsh shaitan nirrajeem

Bismillahir Rahman-nir Raheem

Assalamu’alaikum wrh wbkt

• Hi Maulana timagna’ kimawa’ miyassa ha Hadees  sin Kiyatammatan sin  Kanabihan, Amu in Nabi ha katan Anak apu’ sin Adam iban sin Jin, “Wayruun daying ha kaniyu masampurna’ in pag iman, sahingga in lasa niya pa taymanghud niya, di’ mabiya’ sin lasa niya pa baran niya,” Bayta’ hi Maulana, “Sulatan niyu in Mulliya Hadees ha lukis bulawan, pandanga niyu maamu! Ha paghati sin Hadees ini sampurna’ duma katu’ sampay pa Adlaw Kiyamat. In Hadees ini hipu’ sin Patumtum di’kabayaran.”

• In Hadess in ilaud sin Panghati, Hipu’ sin Pamandu’ makarihil kasanyangan, kasajahitraan, makaubat iban paghambuuk pagsiyumasumadjahi sin manga Muslim ha kawman. Hisiyu in himihinang ha ini, Malappas daying ha kayu sin api narka’ jahannam, Duma kaniya daying ha tampat  kababaan (asfala safileen), harap pa sataas-taas tampat sin Iman, Duma ha tabiat mangi’ sin manga Muslim, mahinang siya hambuuk ha manga sarayaw-rayaw manusiya.

لَقَدۡ خَلَقۡنَا ٱلۡإِنسَـٰنَ فِىٓ أَحۡسَنِ تَقۡوِيمٍ۬. ثُمَّ رَدَدۡنَـٰهُ أَسۡفَلَ سَـٰفِلِينَ

Sabunnal Piya-awun  namu’ in Manusiya daying ha sarayaw-rayaw kakahinang,  ampa namu’ biyaba’ siya pa sababa’-baba’. (Quran 95:4-5)

• In ma’na sin Hadees ini, in sila manga nagpasad ha pangdaig niya, di’ masampurna’ in kabunnalan sin pag-Iman, sa tiyu’ tiyu’ taud sin pangda-ig natu’ayaran natu’, iban halgaa-an natu’, in taud Ka’patan. Asubuha sila, Maunu unu na sila? Awn jimajatu kanila kasusaha? Manga halan pang-gastu gastu? Awun Sakit? Hunit sin kabuhianan? Kiyalappasan nila na in kasigpitan? Subay natu’ hilukis pa padduman, subay ta niyu kahatihan!

• Sarayaw, sakahaba ka’patan pamaybay today.subay sila magtipun sen himinang tumpung-tumpung atawa pagtitipunan –pagtawagun Baitul Mal – Amu in pagpunan sin sen ha maksud magtabang ha manga nasisigpit ha kauman sin ka’patan pamaybay. Ha waktu in bar-iman maghambuuk magtibuuk, magtiyabang tabangi pakanya-pakaniya, luba’ na ha manga pang gastu gastu (sapantun magdihil pagkaun ha manga malaas iban ha manga di’ na magpakaig ha kulangan, magtabang ha manga ilu balu, magdihil ha manga miskin ha kauman iban sin kaibanan pa), Panaugun sin Allah in Kasilasa  iban hisud sila madtu in sa suku’ sin kawman naghambuuk nagtibuuk nagtiyabang tiyabangi, amu yadtu in kasabunnalan sin Manusiya. Hangkan in ha kahaba’ ka’patan pamaybay subay sila magpunpun hinangun nila ini. In Allah paratungan sila Kasilasa daying ha Aayan, Amu in kasanyangan sin pamikil nila iban sin Nyawa nila.

• In kauman amun bukun ha lawum Kasilasa sin Allah, awun manga bungsi iaban astul duun ha ginhawa nila, kasakitan sila iban magkalu sila magpatay sila pa kaniya pa kaniya, amu in kikita’ natu’ kiyasasakupan natu’ adlaw adlaw.

• Ha waktu in manga bar-Iman mahinang sila sibi’ sibi kauman in ka’patan pamaybay biyaini, subay ra isab sila maghinang pagsasambahayangan bal-jamaa, ha lugal amu in Azan magtawag sakahaba’ waktu, makalima hangka adlaw. Bang in Muslim ha katilingkal dunya sampay na pa asibi kauman, magtabang tabang pakaniya pakaniya, iban magtawag Azan kanila, In panawagtawag pa Sambahayang manayimbabaw sumaplag ha katilingkal dunya daing ha Uttara’ pa Saatan, iban Subangan pa Sadlupan.

• Subay ini in Uhan sin Maksud natu’ – In Tangis Ulanghig sin Allahu Akbar matibuuk ha katilingkal Dunya way paghundung. Way adlaw piyalabay sin Rasulullah (saw) ha kabuhi’ niya, amu in piyagtuyuan ha pag panawag tawag niya sin Azan ha dunya. Biya’diin in kasampay sin Islam pa Cyprus? In Sultan sin Ottoman naglugtu’ ha pag pasampay sin Azan para mara mari, Subay kita maglugtu’ ha supaya in ngan sin Allah hikapanawagtawag ha katilingkal babaw sin dunya, ha lawum kauhaan tag upat kajam libut niya! Unu in hinang natu’ hipagpasaplag sin Azan ha Waktu bihayaun? Wayruun.

• In Islam nalapay sin manga paghinang sin malalaggu kauman iban manga daera, in manga manusiya nahinang na nagkaniya kaniya nakapaglayu’, in paghambuuk pagtibuuk nalawa’ na, in manusiya di’ na magkita ha manga pangdaig niya, in katan nalimun na sin manga kasusahan nila, di’ nila na kakitaan in kasusahan sin pangdaig nila kiyahunitan. Nalawa’ na in kasabunnalan sin manusiya’, instead tumabang sila ha  manga nasisigpit, Hi Maulana namayta’, in manusiya giikan niya pa sipaun niya in manga sila nasisigpit – wayruun na ulung iban kasilasa ha manga malalaggu kauman.

• Ha in manga malalaggu Daera tiyu’ tiyu’ da malalaggu masjid nila ha amu in Azan magpanawag tawag pa Sambahayang, Karidaan sin Allah in Ibuhan mananawagtawag Azan ha hambuuk hula’, ha amu in Ka’patan pamaybay hambuuk kawman, amu in nagtitipun tipun bal-jamaa, magsambahayang, sarta’ iban kasilasa.  In kakahinang yadtu mahinang siya biya’ sapantun malaggu ‘Banner’ Hipanawagtawag pa katilingkal Dunya, Mahinang siya biya’ sapantun salaggu’ laggu’ Panji Payung, amun live advertisement, Pagpamahalayak ha Kakusugan sin Allah Mahabassal.

• Bukun sadja amun matanya kiyta ha pagpasad sin Rukun sin Islam, In sila manga Muslim amun di’ nila hikaguwa’ in sataas taas kakahinang kalagguan iban lingkat sin Islam mahinang di’ mangangahagari,  amun itungun da isab ha Adlaw pag hukum. Hangkan in kamu misan manga tu ahli tu pamaybay, pagtipun tipun kamu, pagtiyabng tabangi kamu, Panawag tawag kamu Azan sambahayang kamu bal-jamaa.

• In Muslim subay maghambuuk, misan pa unu in bangsa nila! In Huhulmatan katu’ bukun daying ha balbangsa ta – Misan pa kita Turkish, Pakistani, atawa Arab. Wayruun. In Huhulmatan katu’ bang ta hikabin in biyadtu mamung kita, “In aku Muslim, In aku Ipun sin Tuhan.”

• Paghambuuk kamu manga bar-iman, pag-ulin kamu lima himinang hambuuk kauman ha bawugbug sin Kasilasa, Panawag tawag kamu Azan Pagsambahayang kamu bal-Jamaa. Ha waktu kaw panggayu-an sen hitukbal pa tumpungtumpung  para ha Baitul Mal sin kauman, dihil kaw  malanu’ sin panagalta’ mu hitabang ha kaybanan, ayaw kaw mag-ug.

Fatihah

Sahawi

• Ha waktu biyaun iru’ kumaun iru’ way Nyawa dunya sin bungsi iban pagbaran,  In suhbah ini matampal malingkat dan amu mangdahi ha manga manusiya pa sabunnal pagkamanusiya, ha pag hinang hambuuk Kawman amu in magkita’ kita pakniya pakaniya, kimita’ pa kaniya pakaniya,  amaktibuuk kita makusug kasilasa iban ulung, in pag tabang pa manusiya amun tiyawag Hablu minan naas.

• In pagtibuuk sin hambuuk kawman amu in hibin nila in pagkabalbangsa amun piyagbiddaan nila, mag tibuuk sila bal-jamaa mag sama sama magsambahayang, amuna in pagtawagun Hablu minallah, pagtaat pag hinang para ha Tuhan.

• In hambuuk Hadees nasabbut hi Maulana siyabbut ha panagnaan sin Suhabah, pasaplag katilibut ha pagtaat paghinang karna’ Allah iban pagtabang paghinang para ha pagkahi Manusiya. Sakup niya in manga pag sambahayang bal-jamaa. Sakup lapay in Pagsambahayang nakatapuk (Pagsadakka ha Kauman) iban pagsumba pagtaat amun  subay higuwa’, hipakita’ in kalingkatan sin Islama ha manga jimajaga (Azan). MashaAllah!

• In Amanat haupu sarta’ malingkat malanab. Kita-a in katilibut mu. Tabanga in makajari mu tabangun. Pagtibuuk kamu manga ahli, kabagayan iban lamud ha kauman magtabangtiyabangi iban magsambahayang bal-Jamaa. Dihil kaw tulus ikhlas ha hikarayaw sin pangda-ig mu. Igan binan in pagtiyaas taasi balbangsa – Paghambuuk kamu ha Iman!

Saupama kiyalanaban kaw sin Suhba ini, kitaa in manga suhbah sin Bulan Ramadhan amun kalanaban sin pa awn Kasilasa ha lawum kawman dayindi.

Bang kaw mabaya dumungug sin suhbah hi Maulana Shaykh Nazim amun kiya-record, dupuni ini.Bang kaw didtu na ha-site, dupuni in Sohbat 05 Oct 2010.

Hi Maulana Shaykh Nazim maghindu’ adlaw adlaw, lisag, kadtu kaw pawww.Saltanat.org para humagdir sin  makalanu’ pangatayan panghindu’, tibuuk tuud wayruun bayaran listahun. In manga Liyukis ini kabakan iban manga pangadjian kabakan ha Singapore Naqshbandi portal, recent.sufihub.com, in ini jukup da isab tibuuk way pagbayad.