Adlaw sin Arafah – determination niya iban sin manga hihinangun

1st Nov 2011

A’uzubillah himinash shaitan nirrajeem
Bismillah-hir Rahman-nir Raheem
Assalamu’alaikum wrh wbkt

(hi Maulana tagna namayta’ ha kahalan ini sin 28th sin July tahun yan, kita’ niya in adlaw sin Arafah kumugdan ha adlaw Jumaat sin tahun ini, pinda siya pa adlaw sabtu’, ha supaya makahalli daying ha taud sin mag hajji ha sakahaba Hajjul Akbar. Bunnal jukup, jimatu in bissara niya. Biyaytah niya in nakatapuk pangadji ilmu’ dayindi, iban sin manga kakahianang para ha makahampit katan.)

Desert Arafah sin Jumaat

Biya’diin in itungan sin manga Awliya’ sin Adlaw sin arafah iban sin kaybanan Adlaw Mulliya

• Hi Maulana giyuwa’ niya biyadiin in pag itung sin manga awliya bang in adlaw sin Arafa ku’nu kumugdan. Hi Shaykh Abdul Qadir Jailani (qs.) in naghindu, in tu adlaw mag sunud ha takwim sin Muslim, ha sibu’ tahun, duun sadja siya kumugdan ha sibu’ adlaw sin hangkapitu – in panagnaan sin takwim sin Muslim (Muharram), panagnaan sin Ramadhan iban sin haylaya Hajji sin bulan Zulhijjah. In panagnaan sin Muharram iban sin Ramadhan ha nakalabay tahun yaun kimugdan ha Sabtu’, in Eid Subay ra isab kumugdan ha sabtu’ (5th Nov 2011). In adlaw sin arafah kumugdan sin Jumaat, hika 4th sin November.

• Sumagawa’ amu ini in kabayaan jumatu sin nagpapanjari. In panagnaan sin Ramadhan sin Tahun yan wayruun timampal, hangkan in kahalan sin haylaya hajji bukun da isab matampal pa kamatauran.

• Hambbuk ha manga itungan sin manga awliya’ amun manga ini. In hika 5th sin Ramadhan kumugdan ha hambuuk tahun, amuna in panagnaan sin 1st sin Ramadhan tumagna’ ha sumunud Tahun. Biya’ sin sapantun sin, in panagnaan sin 1st sin Ramadhan kumugdan sin Sabtu’ ha panagnaan sin Tahun yan, pag ubus in 5th  kumugdan siya sin albaa. Malayingkan, ha sumunu’ tahun in Ramadhan kumugdan ha adlaw Albaa!

Pangadjian ilmu’ ha Tahun yan Hajjul Akbar

• Ha tahun ini, in kamatauran nagtipun tipun ha Arafa sin Sabtu (5th November 2011), in pagtipun tipun sin manga Awliya’ kimugdan ha Adlaw Jumaat (4th November 2011). In ini daying ha manga ilmu panghati, in manga awliya’ nanginduwaa ha ini.

• In tahun ini bang siya kiyapamahalayak amuna in Tahun ini in Hajjul Akbar, mataud tuud tau maghajji, ha pagtagaran sin pag patampal sin Imamul ‘Asr (as), sumagawa in pagtipun tipun sin manga Awliya ha pag hinang sin pinakamahalga di’ sila mabaya’ sin mataud tau. Malayingkan, in Hajjul Akbar wayruun nila piyahati pa katiluagan.

• Hi Imam Mahdi (as) magpatampal ha tahun ha Adlaw sin Arafah kumugdan ha Jumaat, ha amu in pag halga sin kamulliyahan niya, Malayingkan, adlaw ini, Jumaat, amuna in Wuquf sin manga Awliya’, iban bayta’ hi Maulana amuna in pagpatampal sin Sohibul Zaman (as) didtu, malayingkan in jukup kusug niya (as) tumampal kakitaan ha Bulan Muharram.

• Hi Maulana piyatumtum kitaniyu katan mangagari ha petsa sin adlaw sin Arafa ha manga nakura’ sin agama/parinta/kamatauran, iban jukup pangandul pa Allah ha kahalan ini. Biya’ na sin, in bayta’ niya in pag hajji subay magad ha Hijaz fatwa, iban subay matipun ha adlaw sabtu’, di’ nila mahinang ha kabayaan nila magtipun tipun sin jumaat malayingkan- iban sibuh da, karihilan da sila biyah da sila sin himinang sin Hajjul Akbar!

Hihinangun ha Adlaw sin arafah ha manga sila didtu ha Arafah

• Ha manga sila madtu mag hajji, di’ nila kagunahan magpuasa ha adlaw ini mataud in manga kagunahan subay nila mahinang.

• Subay nila matammat bassahun in kitab. Al-Hizbul ‘Azam, amu in timampal da isab Supreme Daily Dzhikir, kiyawa’ tipun in manga duwaa daying ha Qur’an iban Hadees, hinang hi Mullah Ali Qari. Subay siya bassahun daying ha panagnaan sampay kahinapusan.

• Subay sila di’ simiga iban mag sheesa.

• Subay sila di’ lumamud ha manga bissara way ag, haggling, mag diskas, magkalu.

• Himinang sila sin sakusug kusug duwaa, whilst pleading iban tangis, mag lagi sin Rida’ Niya iban Bounties.

Bang nila hinangun ini katan, in sila gumuwa malanu’, bang di’ in sila gumuwa’ (biya’ sin lummi’) sin lummi’ nila ha pag sud nila pa Arafah.
Hihinangun ha Adlaw sin Arafah ha manga sila wayruun nag hajji

• Puasa ha 8th (Yawmul Tarwiyah) iban 9th (Yawmul Arafah) sin Zulhijjah. Tumtuma in puasa  daying ha manga dila’, mata, iban sin katan ginhawa, subay ra isab magpuasa, labi na in pangatayan.

Bassaha:

• 1000 Suratul Ikhlas, tumagna’ daying ha bulat maynaat iban matalus in pag bassa ba’gu tumu’gum in suga, hi GrandShaykh Abdullah in nagbaytah ha halan ini.

• La Ilaha illa Allahu Wah’dahu La Shariqa Lah Lahul Mulk wa Lahul Hamd Yuhyi wa Yumit wa Huwa ala Kulli Shay’in Qadir 100x.

• SubhanAllah, wal Humdulilah, wa La Ilaha illallahu, wa Allahu Akbar, wa la Hawla wa la Quwwata illa Billah Al Aliyal Azim, 100x.

• Istighfar 100x.

• Salawat (Panglaggu-e) ha Nabi (saw) 100x sampay pa 1000x.

Makajari ra isab pataurun mu in manga nasabbut ha taas mas labi daying ha taud sin itungan  niya, iban tumangis kaw ha sa’bu kaw himihinang, beseeching Allah ha supaya hitukbal kaymu in Rida’ Niya.

Manginduwaa para kan Shaykh Nazim

Manginduwaa da isab para ha manga Ummat sin Nabi Muhammad (saw), iban da isab kan Shaykh Nazim, ha bayta’ niya,

• “Panginduwaa kamu para kaku’ amu in di’ na aku hikabutang ha position magkagunahan ha kaybanan, panginduwaa kamu amu in di’ aku hikabutang pa kulangan ku, panginduwaa kamu amun di’ aku babaun biya’ sin kaybanan tau, panginduwaa kamu in kasilasa ha islam timatattap ha pangatayan natu, iban in kitaniyu ha babaan sin panji sin Islam, daying ha bihayaun sampay pa adlaw gana gana.”

In ha lawum sin kahaupuan ini kiyawa daying ha tu Suhbah, in maudu niya – Adlaw sin arafah, 27th October 2011, Wird Arafah 1st Nov 2011, and Zuhur on arafah 1st Nov 2011.

In Suhba ini kakitaan ha www.Saltanat.org, dupuni ini bang kaw kimita sin Suhbah. Awn Subtitle dupunan masuuk pa Volume control ha baba’ sin screen, magpi’ ha hangpu’tag-isa salinbahasa daying ha bahasa, Arabic, Bahasa Indonesia/Melayu, German, English, Spanish, Italian, Russian iban Turkish. Sa’bu ha Live suhbahs, in pagdupunan ha taas magdihil live audio salin bahasa pa dugaing bahasa. Sawpma in video di’ na kabatukan didtu, andu’ kitaa ha archives sin Saltanat TV site. In Saltanat TV amuna in Official Site hi Maulana Shaykh Nazim amuna in iyaprubahan sin baran niya.